Díaz atribuíu esta decisión á presenza de Javier Couso. "Un dos candidatos da Esquerda Plural, ferrolán, xornalista e un loitador anti-imperialista, unha das razóns polas que a dirección de Navantia non se quixo reunir connosco", sentenciou.
Tras lamentar que non fosen recibidos pola directiva do estaleiro, Javier Couso anunciou que a Esquerda Plural súmase a "todas as reivindicacións" dos traballadores, "porque Navantia é Ferrolterra e se non hai investimento en Navantia non hai Ferrolterra".
Ao mesmo tempo, Couso defendeu a construción do dique flotante, que se reclama para que o estaleiro poida reparar buques de maiores dimensións e aseverou que "o Partido Popular está a esgrimir, para non facer o dique, escusas, porque non ten nada que ver coa decisión de Europa". Ademais, avanzou que a súa formación política pelexará en Bruxelas para que se levante o veto á construción civil "canto antes"
Tamén a candidata de AGE, Lida Senra, defendeu que se acometa o dique flotante, que afirmou "non depende de Bruxelas". O investimento estimado para polo en marcha, engadiu, "non é tanta", en comparación con cantidades como as que se barallan para o rescate de autoestradas. "Está a falarse de 150 millóns de euros cando se fala de moitos miles de millóns para outras cuestións como rescatar autoestradas", sentenciou.
SECTOR ESTRATÉXICO
Lida Senra avanzou que darán "a batalla" para a declaración do sector como estratéxico, para que se poida manter o carácter público de Navantia e traballarase arreo" para que se levante o veto, á vez que criticou as actuais "políticas neoliberais" de Europa por estar a provocar "o empobrecimiento de Galicia e a comarca de Ferrol".
Na visita ao estaleiro tamén participou Xosé Luís Outes, membro da candidatura, que avogou por un "plan industrial" e "propostas en Europa" para cambiar "o panorama" de Ferrolterra, "un inferno para miles de persoas que non teñen un anaco de pan para levar á boca". Tamén cualificou de "insulto á intelixencia" a petición de voto útil, e apostou por "un voto con memoria".
Nunha resposta en abril a unha pregunta por escrito a EU sobre a situación de Navantia, o Goberno explicaba que para impulsar a construción naval militar realízanse viaxes de responsables do Ministerio de Defensa para o fomento das relacións do sector español con potenciais clientes
