Rodrigo Romaní: " A arpa na música galega"

Rodrigo Romaní destaca por ser membro fundador de Milladoiro (1979-2000) e creador do Conservatorio de Música Tradicional da Universidade Popular de Vigo (1996), coordinador do Arquivo Sonoro de Galicia (2002-2003). Como solista ten publicados 3 traballos: “Albeida” (2001), “Cantos Caucanos” (2003) e “As arpas de Breogán” (2012). Como arpista ten actuado coa Sinfónica de Galicia, coa Real Filharmonía e RTE Orchestra.

Pablo Quintana: "Novas sobre a zanfona e os cegos, na música popular de Galicia"

Estudioso da cultura popular, Pablo Quintana, realizou importantes investigacións sobre o patrimonio material e inmaterial, como demostra nas diversas publicacións das que é autor: “Os foxos do lobo. A caza do lobo na cultura popular” (2010), “Tejeduría tradicional en Galicia. El telar y la técnica” (2012), … Na súa vertente musical coordinou a serie etnográfica “Recolleita” (Ruada 1981). No 1982 grava o disco “O cego andante”. No eido audiovisual dirixiu e guionizou diversos traballos como “Tocar pechado na gaita” (1984), “Bomobos e bombeiros” (1988) , … tamén ten colaborado en diversas emisoras de radio en programas divulgativos sobre a música tradicional.

Pablo carpintero: " A tipoloxía das gaitas de fol en Galicia"

Pablo Carpintero, gaiteiro e constructor de gaitas, é diplomado en Historia da Música. Traballou no Proxecto Ronsel da Universidade de Vigo para a recuperación do Patrimonio Cultural Inmaterial de Galicia (2006-2010). Asemade é consultor da UNESCO sobre Patrimonio Cultural Inmaterial. Autor de diversas publicacións, entre as que destaca “Os instrumentos musicais na tradición galega”, que recibiu o Premio Antón Losada Diéguez (2009).