Así, ate o vindeiro 30 de setembro a Aula abrirá todos os días de martes a domingo, en horario de mañá e tarde: De 10.00 a 14.00 horas e de 16.30 a 20.00 horas. Os nenos que se acheguen a estas instalacións poderán coñecer, a través dunha exposición didáctica feita a base de paneis e audiovisuais, os efectos perxudiciais para o medioambiente que ten o crecemiento das cidades, o incremento dos niveis de contaminación ou a disminución de recursos básicos como a auga, entre outros. Neste sentido, a mostra convida a un consumo responsable e fomenta unha actitude proteccionista co medio natural.
Pero, ademais desta exposición permanente, a Aula de Ecoloxía Urbana tamén  organiza diariamente, preferentemente polas tardes, un obradoiro sobre a reutilización de refugallos. Esta actividade está dirixida especialmente a nenos de entre 6 e 12 anos. Trátase de aproveitar plásticos, envases, cortizos ou botellas, entre outros elementos, para facer manualidades.