Os fillos do poeta acudiron á representación de “Estudantes buscan asistente” que deixou moi bó sabor entre o público. Actores e actrices afeccionados máis o actor - director, Carlos Basoa, fixeron un traballo máis que digno. Este último deixou ao respetable coa boca aberta, non xa polas risas que despertaba o seu papel de asistente chinés con delantal e cofia, senón pola sua profesionalidade e experiencia sobre as táboas, que deixou patente o sabado en San Paio. Cada quen no seu papel fixo un traballo loubado dende a primeira á última fila do patio de butacas. O recurso do teatro dentro do teatro, foi un acerto e un instrumento estupendo para que cada quen atopara o seu sitio na obra, que fai un guiño á crise, a Ferrolterra, ao dispendio duns poucos e á rebeldía de moitos. Ao remate da función, o público aplaudíu en pé durante moitos minutos.