Patricia Pedrido asegura que pasaron moito frío mentres facían a foto, tanto que mentres eles se colocaban en traxe de baño á beira da praia quen se encargaba de inmortalizar o momento ía con bufanda. O primeiro premio consiste nunha noite de hotel para dous no Talaso Atlántico de Oia.

O xurado elixiu a foto de Patricia Pedrido non só polo gran parecido cunha das escenas máis románticas da película "De aquí a la eternidad", dirixida por Fred Zinnemann en 1953, senón tamén polo esforzo feito polos protagonistas, desafiando ao frío, o vento e as baixas temperaturas para facer realidade un dos fotogramas máis emblemáticos da historia do cinema e trasladalo a un escenario tan vigués.

Laura Sampedro estaba a ver un vídeo no que saía coa súa parella cando se lle ocorreu a foto ideal para enviar ao concurso. A foto premiada, "Siempre nos quedará Vigo", foi a elixida polo xurado para recibir o segundo premio polo emblemático do filme ao que imitaba, o gran parecido e o romanticismo que desprende a imaxe. O premio consiste nun cheque regalo: unha cea romántica para dúas persoas no restaurante Gurpegui Gastrobar.