Desde a Plataforma sinalan que dispoñen das certificacións que acreditan que cadeas da distribución como Carrefour e Alcampo subíronlle 2 céntimos nos pagos a Lactalis polo leite de marca branca, polo que consideran que polo menos esa cantidade debería repercutir sobre os produtores.

Diferentes actitudes

Lactalis ofreceu unha subida a partir de abril, cando finalicen os actuais contratos asinados cos gandeiros, pero a Plataforma considera que apelar aos contratos asinados é unha escusa, sobre todo cando outra industria, como Celta, si aplicou este mes un complemento de 0,5 céntimos nos contratos en vigor.