Na Liga de Amigos de Barallobre celébrase este sábado o Primeiro Encontro de Cantareiras. Gisela Sanmartín dirixe ás Bolboretas de Barallobre, grupo nacido no ano 2000. Teñen actuado en diferentes eventos culturais da parroquia como, un das máis recentes, a despedida aos alumnos extranxeiros do proxecto Comenius do IES de Fene. Gisela Sanmartín explicounos que o sabado actuarán no Encontro o grupo de cantareiras mozas, as que teñen entre 16 e 19 anos.
O seu repertorio bebe de cantigas de moitos lugares do país pero tamén de aprenderlle ás avoas cantigas da zona. Para escoitalas, este sabado 19 ás 8 da tarde na Liga, compartindo escenario con Xerfa, Mestura e O Cinguideiro.