O Agility naceu no Reino Unido no ano 1977 inspirado nos concursos hípicos de salto e, actualmente, estase loitando para que sexa recoñecido como un deporte. Esta proba consiste en levar ao can sen colar e sen correa a través dun percorrido con obstáculos seguindo unhas regras específicas.

As probas que se disputarán en Redondela entre a tarde do sábado e o domingo a partir das 09.00 horas correspóndense coa segunda e terceira xornada da Liga rexional Noroeste, na que figura como primeiro clasificado Julio Freire, do club Agility Patas-Arion organizador do trofeo, cos seus cans Darko e Elsa, da raza border clollies.

Durante o campionato, con entrada libre, terá lugar, ademais, unha exhibición de adestramento de cans a cargo do Club Terrameiga de Redondela. Ademais haberá tamén unha exhibición de cans adestrados para prestar axuda a persoas discapacitadas.