Os estudantes de secundaria, en folga dende onte, saíron ás rúas de Ferrol esta mañá para protestar contra a reforma do Ministro Wert e contra os recortes no ensino público. O Sindicato de Estudantes congregou a uns 500 estudantes ás 12 diante do edificio da Xunta, mentras que Galiza Nova convocou na Praza 10 de marzo. Os datos barallan as organizacións convocantes nesta segunda xornada de folga rondan o 60% de non asistencia ás aulas. A folga estudantil verase reforzada mañá, último dia do paro, polas asociacións de pais e nais.  A falta de profesorado está a ter unhas consecuencias nefastas para a calidade do ensino, segundo o representante do Sindicato de Estudiantes Marcos Abad.

A que se aveciña, de prosperar a contrarreforma do ministro Wert, é gravísima, porque os filtros que quere poñer xa na ESO fará que queden no camiño moitos estudantes e que chegar ao ensino superior sexa cousa duns poucos, segundo o dirixente estudantil.