Aíd é unha rapaza galega de tan só 22 anos cantante e compositora de música urbana. Ademais da súa faceta artística é locutora de radio e estudante de Enxeñería de Telecomunicacións na Universidade de Vigo. O seu contacto co hip hop chega aos 12 anos da man do grafitti. A súa afección a escribir poesía dende nena lévaa a compoñer e grabar as súas primeiras cancións en 2003, con só 13 anos. Inicia entón unha carreira que se atopa hoxe no seu punto máis álxido.

En Cedeira, ensinará ao público a rimar en galego, celebrando o Día das Letras Galegas. O dia 16 de maio no Auditorio Municipal.