A ceramista Carme Romero representará a Galicia en Lorient 2014

A ceramista Carme Romero representará a Galicia en Lorient 2014

25 de Abril, 2013 - 12:00 h. | Publicada por Radio Fene

A ceramista Carme Romero representará a Galicia en Lorient 2014. Acudirá ao Festival Intercéltico coa súa exposición “Mulleres mariñas”. Antes amosará 3 novas pezas desta serie, na mostra que abrirá o vindeiro 4 de maio no Círculo Mercantil e Industrial Unidade de Fene. Alí expoñerán tamén os alumnos e alumnas do obradoiro de cerámica que se imparte na entidade.

Carme Romero (Fene, 1964) formouse como ceramista en Madrid, da man de José María Garí. Estudou durante dous anos a especialidade de esmaltes e corda seca na Escola de Adultos “Dulce Chacón”. Dende o ano 1993, impartiu clases como monitora de cerámica no taller da asociación de veciños “La Unión de Hortaleza” e dirixiu distintos seminarios de cerámica nos colexios “Méndez Núñez” e “San Miguel” de Madrid.

Sociedade
  • 114 lecturas