Totó García, que acadou notoriedade por dirixir a rodaxe dunha escena porno en plena Praza do Obradoiro de Santiago, con alevosía e nouturnidade, ten un gran proxecto para o porno galego entre mans: trátase do filme “Terra Meiga”, no que ten postas grandes esperanzas, malia as dificultades da produción: “En Galicia costa atopar actrices dispostas a rodar”, comenta.

Con todo, o director galego sabe do tirón do sexo e conta con que entre 9.000 e 17.000 espectadores pasen polo ErosGalicia 09 esta fin de semana na Coruña. Para enganchar á posible audiencia conta coa presenza dunha célebre dominatrix que fará exhibicións de prácticas de sadomasoquismo, e tamén de famosas actrices do xénero porno como Anastasia Mayo ou Baby Pin Up. Pero sen dúbida, o grande reclamo será a actriz Ilona Staller “Cicciolina”, un mito da pornografía mundial durante os anos 80. Os visitantes máis atrevidos deben saber que durante o salón realizarase un casting aberto na procura de talentos para o cine porno, e mesmo a rodaxe en vivo dunha película.