ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Os fondos de Caixagalicia e Caixanova conforman Coordenadas na arte galega contemporánea, un novo espazo que acaba de abrir as súas portas en Vigo. A montaxe colle o relevo do Espazo da Colección Novacaixagalicia, pero trocando o espírito cronolóxico por unha exposición de corte temático, na que se pon o acento sobre os novos creadores, acompañados nalgúns casos por clásicos modernos. “Son artistas moi valentes que contan c
A través de catro grandes bloques temáticos e 60 pezas de 52 creadores galegos, Coordenadas traza un estudo do perfil de Galicia seguindo dous eixos: Galicia e O home, cunha visión exterior e unha interior de ambos: O mar, Verde País, Inquedanzas e Escenarios.
Cun marcado espírito didáctico, na montaxe incluíronse textos que nuns casos achegan algunha clave sobre a obra ou o autor e noutros, sobre a visión que destes recolleu algún crítico ou até o propio artista, para reforzar así a canle de comunicación que se establece entre espectador e obra. Hai, ademais, citas literarias, históricas ou sociais que acompañan cada uns dos apartados, desde extractos de Lope de Veiga ou Manolo Rivas, a reflexións dos voluntarios da “Marea Branca” xurdida tras a catástrofe do Prestige.
Esta exposición estrea un novo sistema de información, a través do cal o público poderá acceder a contidos a través do seu Smartphone.