Na granxa-escola de “O Kiriko”, en Pontevedra, desenvólvese este ano o Campamento de Verán do Concello de Fene. Segundo a información facilitada pola Concellería de Deportes, trátase dunha instalación que conta cos servizos propios dun albergue xuvenil e que ofrece ademais moitas posibilidades. Ao longo dos próximos días, os rapaces/as que se apuntaron ás acampadas municipais realizarán actividades como tirolina, sendeirismo ou escalada en rokódromo. Tamén participarán en obradoiros de coiro, de reciclaxe e de aceites aromático, así como de elaboración de postres e aperitivos, ou actividades de granxa.