As persoas interesadas en participar xa poden formalizar a súa inscripción na Alianza Aresana, en horario de 10.00 a 14.00 –de luns a venres-, ou chamando ao número 981 448 057. O prazo remata o 9 de agosto.

Pódese participar de xeito individual ou en grupos de non máis de tres persoas. Os membros dun grupo deben pertencer todos á mesma franxa de idade agás na categoría familiar. Estas categorías son as de menores de 7 anos, entre 7 e 11 anos, de 12 a 17 e familiar.

O xurado, composto por persoal de Cultura do Concello de Ares e algunha persoa elixida ao azar que se atope no lugar do concurso pero que non sexa participante, decidirá o único premio que se entregará por cada unha das categorías. As bases especifican que se poderá establecer algún accésit se o xurado así o estimase oportuno no seu momento.