Algúnhas desas persoas anticiparon en Radio Fene as conclusións dese obradoiro, cada quen co seu tema. Por exemplo, Amparo Saavedra fala do estaleiro de Aguilar en Perlío onde máis tarde se instalou Astano. Carmen Feal, fala de Astano, de como se xestou a sua instalación en Fene, da que o seu home, Carlos Álvarez , chegou a ser director. A primeira Telefónica de Fene estaba na Porta do Sol e rexentábaa a familia de Juanjo Villanueva, a sua tía Pilar. E os avós de Mª Luz Arias foron matachíns, segundo ela mesma narrou en Radio Fene.

Son anacos das historias que se recollen na publicación “Construíndo Pontes”, unha iniciativa que pretende recoller a memoria vida da localidade e transmitila ás novas xeneracións.