A aprobación foi aplaudida polos veciños e veciñas que enchían o salón de plenos. O alcalde, Iván Puentes, asegurou ter a sensación de que a Xunta ten adoptado unha postura de apoio á multinacional Arriva. Para o rexedor, aínda que se trata dunha loita dun pequeño contra un xigante, segundo as súas propias palabras, hai que intentalo polo menos e traballar unidos para poder conseguilo. Tamén o concelleiro de Esquerda Unida insistiu na importancia de seguir loitando para conseguir que o Vieiro poida volver a funcionar. Ao final do pleno, varios socios da cooperativa pediron a palabra para agradecer o apoio da corporación. Un deles, que afirmou ser o socio número un de Vieiro, insistiu na importancia do servizo e solicitou o apoio de toda a sociedade de Fene.