O Sindicato de Traballadores e Traballadoras do Ensino de Galicia (STEG) calcula o custo do cambio dos libros de texto en 6 millóns de euros. Esta organización censura ademais que se cargue con máis traballo ás direccións dos colexios "sen ter ningún tipo de información".

O portavoz de Educación do PSdeG PSOE Guillermo Meijón afirma que "é unha frivolidade nestes tempos de crise facer esta falcatruada". O deputado socialista salienta que os anuncios da Consellería van provocar un "caos absoluto" antes do inicio do curso. 

Para a parlamentaria do BNG Carme Adán, "a medida é unha incoherencia con respeito á suposta austeridade que publicita a Xunta, un despilfarro por unha cuestión ideolóxica deste Goberno que quere fóra ao galego das materias de ciencias".