ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Os efectos da crise en materia laboral, centrarán as XIV Xornadas Galegas sobre Condicións de Traballo e saúde, que arrincan o mércores 24 de abril en Ferrol, organizadas pola Asociación de Graduados Sociais de Ferrol. O reitor da Universidade da Coruña, Xosé L. Armesto, será o encargado de inauguralas. Esta cita converterá á cidade naval no foro de debate de referencia en materia de prevención de riscos laborais até o vi
Na primeira xornada, os participantes poderán coñecer de primeira man os efectos da crítica situación económica do noso país no ámbito da educación universitaria. Analizaranse e cuantificarán tamén as consecuencias da reforma laboral sobre o emprego, e as repercusións da crise sobre a prevención de riscos. Tamén coñeceremos cal é o plan de actividades do ISSGA para este ano, falarase de xubilación e os expertos debaterán sobre se a crise está a provocar a aparición de novas formas de escravitude.
Nos días sucesivos, a análise dos efectos da actual situación económica sobre o Estado do Benestar e a Xustiza Social ocuparán tamén algunhas dos relatorios e analizaranse que medidas son as máis idóneas para que o sector público actúe como motor de emprego. Representantes das administracións públicas participarán tamén nestes encontros para expor en detalle cales son as políticas activas de emprego que se están adoptando en España e máis concretamente na nosa comunidade autónoma para facer fronte á grave desaceleración económica que padece o país. Por primeira vez, un representante da Armada, exporá os detalles da política preventiva desta institución.
Como en cada edición, as XIV Xornadas Galegas sobre Condicións de Traballo e Saúde reservarán tamén un tempo para o debate en materia ambiental, incidindo nesta ocasión sobre un asunto que preocupa especialmente en Galicia: a contaminación do mar por hidrocarburos.