Homenaxe aos mellores deportistas de Fene, homes e mulleres, este sábado, ás 20 horas no pavillón de San Valentín. A cita retómase logo de tres anos de ausencia polo que, nesta ocasión, os recoñecementos serán para recoñecer os méritos das tempadas 2022-23,  2020-21 e 2021-22. Deportistas individuais e tamén equipos de distintas especialidades recibirán a homenaxe.Tamén a Asociación Por+vida, promotora do programa de educación física contra a fatiga oncolóxica. En total, entregaranse 114 galardóns a uns trescentos deportistas nunha “gala atípica”. O gran número de homenaxeados dá idea do bo nivel dos deportistas de Fene, destacou o concelleiro. “É indicativo de como está o deporte en Fene”. A asistencia a esta festa do Deporte de Fene, no pavillón de San Valentín é libre.