Proxecto Indira, mecánica de coches e aprender como facerlle fronte a unha agresión ou calquera tipo de acto violento. Son algunhas das propostas que ofrece ás mulleres de Fene, para os próximos meses, a Concellería de Igualdade. Unha media de doce mulleres participarán no Proxecto Indira. “Un obradoiro que ten moi boa acollida e esperamos que sexa de utilidade para as mulleres que participan”. Comezará o mércores día 27 de setembro. Para outubro está previsto o inicio de dous cursos de defensa persoal. Un destinado a mulleres e outro para nenas e adolescentes. No primeiro hai quince anotadas, no segundo aínda quedan prazas e a concelleira anima ás rapazas, de 12 a 18 anos, a apuntarse. Aprenderán a “actuar nunha situación de perigo ou mesmo como reaccionar psicoloxicamente en casos de bullying”. A nova edición do obradoiro de mecánica está “para ofertar, hai interese nel e estamos mirando datas”.