ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Eu de pequeno fun Tarzán. E o xeneral Custer. E tamén o gran xefe dos sioux Sitting Bull. Houbo infancias e adolescencias marcadas polo cine. Ao sair das películas dos domingos xogábamos a representar aos nosos heroes da grande pantalla.
Na mocidade de Carlos Seco ían sobre todo ao cine. Primeiro ao Cardoeiro de Maniños, logo ao Adriano de Barallobre e por último ao Perla de Perlío. "Ao cine iamos os domingos todos". O cine chegou a Maniños nos anos da guerra. En 1936 proxectáronse as primeiras películas no salón de baile de Cardoeiro. O novo edificio constrúese en 1956 con aforo para 325 espectadores. Chegou a ter funcións o xoves, sábado, domingo e luns. O cine pechou en 1966. O complexo empresarial de Cardoeiro incluira ultramarinos, bar, baile e cine. Os seus propietarios alugaron tamén durante seis anos o cine Adriano de Barallobre. O auxe das salas de cine prolongouse entre 1950 e 1970. A partir desa data a extensión da televisión e a aparición dos videoclubs xerou unha crise nesa forma de ver cine.
Publica o teu comentario agora