O voceiro de Alternativa Española Francisco Torres salienta nun comunicado que a denuncia segue o seu curso. Medios de comunicación como ABC e Intereconomía fixéronse eco nos pasados meses duns gastos de protocolo presuntamente suntuosos. Tamén na campaña das eleccións autonómicas, o Partido Popular insistiu na denuncia de despilfarro en remodelación de despachos, sillas e na adquisición dun Audi blindado.

Na campaña electoral, Pérez Touriño negouse a respostar a esas acusacións, indicando que "non quería contribuir a enlamar a vida política". O pasado xoves, despois do Consello da Xunta, o presidente en funcións revelou que a administración autonómica posue os 32 Audis que deixou Fraga. O PP na Xunta adquiriu o primeiro de dous Audis A8 bilndados no 2001. O segundo, adquirido un ano máis tarde, custou 331.000 €. Segundo Touriño, as dúas operacións realizáronse sen dotación presupostaria previa.