"Rosalía representa moitos dos valores que nós defendemos como Goberno local. Foi unha muller de vangarda, implicada na realidade social do pobo galego, que marcou novas formas de facer na cultura nunha época especialmente difícil", resumiu Basterrecha, nun acto "sinxelo pero sentido" para recoñecer o legado de toda unha vida dunha das escritoras galegas máis universais e figura capital da cultura galega.                                             

"Unha galega, escritora e loitadora cun compromiso co país, a lingua e a cultura aínda presente," apuntou Montes, que defendeu a aposta do actual Goberno local por "a recuperacicón dá lingua e dá cultura propia como espazos de uso dende a integración".