O Concello de Fene publica hoxe na web municipal as bases para a contratación de 2 peóns/oas forestais con cargo ao programa APROL Rural 2024. Son postos que se ofrecen para persoas inscritas como demandantes de emprego na modalidade de peón/oa forestal, explicou a concelleira. “A partir de mañá tramitarase a solicitude de persoas candidatas na oficina de emprego”, anunciou. Son contratos a tempo completo cunha duración de nove meses. A intención é que as persoas seleccionadas se incorporen traballar no mes de xuño, sinalou a responsable municipal de Formación e Emprego que manifestou a súa satisfacción pola marcha do Obradoiro Inicia VII. Una iniciativa na que están recibindo formación 14 mozos e mozas dos concellos de Fene, Ares, Cabanas e Mugardos. “Aprenden, van acabar cunha titulación, neste caso Tubería Industrial nivel 2, e aparte os concellos e a veciñanza aproveitase dunha obra que vai quedar aí”. No caso de Fene traballan nunhas varandas que se destinan ao pavillón da Xunqueira de San Valentín e para as escaleiras que van de Tellerías ao barrio de San Valentín, explicou García Moroño.