O que se precisa é devolverlle o poder á xente e construir un novo modelo de desenvolvemento. No medio rural temos exemplos de autoorganización, seguros agrarios e gandeiros, escolas, coidados do ben público. Agora todo iso desaparece, e non hai un proxecto colectivo, de traballar polo ben público. Iso tradúcese en depender da administración, pero o goberno depende máis dos intereses das grandes empresas. Necesitamos novas fórmulas, centradas na xente, e que sexan quen de resolver os seus problemas.