Os grupos participantes deberán enviar unha maqueta con 2 temas antes do 31 de maio. De entre tódolos grupos que envíen maquetas escolleranse seis finalistas que pasarán á seguinte fase, na que ofrecerán un concerto en directo de 45 minutos. O nome dos seis finalistas e as datas dos concertos, asignadas por sorteo a cada grupo musical, daranse a coñecer o día 15 de Xuño na páxina oficial do evento: www.jorigames.com/concurso.

A segunda fase do concurso levarase a cabo durante os fins de semana dos meses de Xuño e Xullo, intentando axustar as datas ás posibilidades ou compromisos dos distintos grupos musicais. A Organización reservarase o dereito a realizar ás modificacións pertinentes. Durante os concertos estará presente un xurado composto por dous representantes da Organización (Asociación Cultural "8 Notas") e un representante do Estudio de Grabación Mafia Records de O Carballiño, encargados de votar en cada actuación de forma segreda e independente e de escoller tres finalistas, que competirán na terceira e derradeira fase do concurso polo primeiro, segundo e terceiro premio.

A data na que se darán a coñecer os tres grupos seleccionados para a terceira fase será o día 1 de agosto. A última fase do concurso daráse a coñecer no Festival Senuncan do Carballiño, en data pendente de confirmación.