ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Abrir un libro calquera de Hixinio Puentes –desde O bandido Casanova (Xerais 2000) e Aguillóns de Ortegal (Xerais 2005) ao último, Monbars, o exterminador (Xerais 2009)– é comezar unha aventura que nos fará vibrar páxina a páxina. Con el entramos en mundos de ficción solidamente trazados que se caracterizan pola coidada ambientación histórica, a predilección polos personaxes marxinais e a presencia do mar como pano de fondo.
Na conversa que mantivemos nos estudos de Radio Fene Radiofusión, Hixinio Puentes fala da súa paixón polo mar desde moi pequeno a través dos relatos orais que escoitaba aos mariñeiros do Porto do Barqueiro, da súa experiencia como navegante e a constante profundización nos temas marítimos tanto na faceta de investigador como na faceta de narrador.
Un escritor que vai dar moito que falar nos próximos anos en canto vaian saíndo á luz os moitos tesouros que garda nas súas segredas illas literarias.