O propio autor, Ignacio Silva, comentou en Radiofusión as diversas historias que conforman Cara B. Segundo o escritor, Cela Aberta é unha novela que ten como protagonista a un preso político nunha ditadura militar, que pasa 12 anos encarcerado e como ese encerro ao que se enfronta con valentía nun primeiro momento, marca de forma fatal o devir da súa historia. Unha reflexión sobre o sen sentido das ditaduras e as súas consecuencias nunha persoa con éxito na súa vida persoal e política.

A temática de Vertixes é totalmente diferente. Dous rapaces da xeración dos 70 namóranse sen planealo e enfróntanse a diversas circunstancias que fan que ese amor sexa difícil. Tamén quedan marcados para sempre ante situacións que non previran.

En Escintileos o protagonista sofre unha enfermidade estraña que lle fai esquecer as cousas. En palabras de Silva, “conta a loita deste personaxe por recuperar eses recordos que desaparecen e que lle fan enfrontarse á vida dun xeito un tanto particular”.

Cara B xa está nas librarías, editada por Xerais, ao prezo de 16,15 euros.