ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Son relatos “redondeados por frases que, con alento de verso, atravesan a narración”, para o xornalista e poeta Daniel Salgado. Os contos de "A parte fácil" conforman o primeiro libro de narrativa de Ismael Ramos. A súa imaxinación conxuga ironía e morriña. “Gústame ser un narrador temerario, dar volantazos nos relatos” afirma o autor: “Para min, o conto é unha procura, vivo obsesionado polos finais. Nunca quixen renunciar á trama, pero o importante é o que non se di”.
“Os relatos son como unha parella que rompe sen que houbera unha gran discusión previa. Todo o mundo di: E non lles pasou nada pero en realidade, ao mellor, había moito tempo que viñan pasando cousas” apunta Ramos con ironía. Ismael Ramos naceu en Mazaricos en 1994. É autor de poemarios como Os fillos da fame (XVII Premio Johán Carballeira de Poesía), Lumes (Apiario, 2017) e Lixeiro (Xerais, 2021). Conta con traducións ao castelán, catalán, finés, francés, húngaro, inglés e portugués.Agora, entra con forza, no mundo dos contos.
Publica o teu comentario agora