Máis ca unha novela sobre a Guerra Civil Española, “Soldados de Salamina” pódese considerar un thriller policíaco, en palabras do seu autor, Javier Cercas. O escritor fixo un repaso da súa traxectoria literaria e das súas obras, dende o primeiro libro de contos que publicou en 1987 ate “La verdad de Agamenón”, editado no 2006.

Sobre o seu maior éxito literario, a novela “Soldados de Salamina”, dixo que é un libro “raro” e que él foi o primeiro sorprendido do éxito que acadou. Asegurou ademais que nos últimos anos foron moitas as novelas que trataron o tema da Guerra Civil pero que, quizais, o seu acerto, foi abordar un asunto que o resto dos autores da súa xeración despreciaran.

O escritor extremeño lembra momentos importantes da súa vida. Falou Cercas, por exemplo, dos seus inicios no mundo da literatura e da enorme influenza que exerceu sobre él a figura de Borges. Tamén tivo unhas palabras para o escritor de orixe galega Francisco Casavella, falecido no 2008, e con quen compartiu a súa primeira viaxe a Galicia.