Xa me tardan estes magos conta co mesmo formato que o seu anterior traballo editado por Galaxia Ola, ola, la!. Nesta obra Mamá Cabra pon música aos versos dos poetas Antón Cortizas, Gloria Sánchez e Antonio García Teijeiro. Tamén a propia Gloria Mosquera Roel se animou nesta ocasión a escribir algunhas letras. Segundo confesou en Radiofusión, aproveitou que é profesora de música para ir probando as novas composicións cos seus alumnos.

Os textos e as cancións mestúranse nesta obra coas ilustracións de Kristina Sabaite. O resultado final, aseguran, convídanos a “esperar con máis ilusión a chegada dos Magos”.