Os proxectos aprobados cun orzamento de 252.065,36 euros, consisten na reposición do firme nos camiños do Revolto en Barallobre, Boado en Maniños e A Xunqueira en Magalofes. Tamén se aprobou o proxecto de mellora da seguridade viaria na marxe esquerda da Avenida Marqués de Figueroa en Perlío, que supoñerá a substitución da rede de pluviais, alumado, mobiliario urbano, sinalización, reposición de bordos na beirarrúa con axuste da ubicación da parada de autobuses, substitución do pavimento da beirarrúa e reposición do pavimento da calzada afectado polas obras. A actuación afectará ao tramo situado entre o estanco e o economato de Astano, pero na beirarrua de enfronte, indo cara Barallobre a man esquerda.