Isto redunda nunha mellor atención aos residentes, ao permitir o acceso a probas complementarias e interconsultas con especialistas hospitalarios, e beneficia  ao sistema xa que optimiza as probas e derivacións hospitalarias, evitando duplicidades e axustando tratamentos.

Ademais das novidades da xestión, Benestar segue traballando para aumentar e optimizar as infraestruturas sociais da comunidade.
Este compromiso de mellora das instalacións ten a súa proba na residencia de Caranza, na que se vai acometer unha reforma para convertela nun espazo “máis cómodo e de maior calidade”. As obras, cun investimento de 1,4 millóns de euros, mellorarán as condicións de habitabilidade, seguridade e comodidade.