Malia que foi editada en disco no ano 1963, conta Raimon que el xa cantaba ao vento hai medio século, cando tiña 19 anos. Na fin da adolescencia e, se cadra da inocencia, en 1959, o cantautor valenciano escribiu “Al Vent”. O zoar do aire na faciana, tal e como canta no primeiro verso, evoca unha fonda sensación de liberdade, xusto o que precisaba unha mocidade que aínda había aturar por moitos anos a sombra do franquismo.