“Os resultados hai que collelos como veñen, seguir loitando e aprendendo. Non influíu que eu non estivera no banquiño, estaba alí ao lado, pero houbo un cúmulo de erros, comezamos dubitativas e moi mermadas, sen porteira, tivo que quedar unha xogadora na portería, doulle as grazas”, declara o técnico. As do Eirís foron mellores, recoñece “a nós non nos saíron ben as cousas desde o principio. Desesperámonos, eu incídolles en que xoguen o balón, pero parecía que o balón queimaba, que estoupaba no pé e todo o mundo se desfacía del”. Agora toca “seguir traballando, as xogadoras están poñendo todo o que poden, están adestrando moi ben”. Mirar para diante e preparar o encontro da vindeira fin de semana, no Pote, contra as coruñesas da Torre.