A Consellería de Cultura da Xunta de Galicia, a Editorial Galaxia, a Fundación Penzol e o Concello de Ferrol colaboran nesta mostra coa que se quere lembrar a figura deste ilustre galego. A exposición, da que son comisarios María García Liñeira e Víctor Freixanes, está composta por dezaseis paneis nos que se fai un percorrido pola vida e obra de Álvaro Cunqueiro. En oito vitrinas preséntase unha selección bibliográfica da súa obra galega e castelá ademais de traducións a linguas estranxeiras, unha pequena selección da súa obra xornalística e unha escolma de prensa sobre as distintas etapas da súa vida.

As vitrinas compleméntanse cun escollido fondo documental. “No niño novo do vento” poderase visitar no Centro Carvalho Calero ate o 14 de novembro, en horario de luns a venres, de 10:00 a 14:00 e de 17:00 a 20:00 horas.

Unha mesa redonda desenvolverase no propio Centro Cultural Carvalho Calero o día 3 de novembro ás 19:00 horas. Tomarán a palabra Ramón Loureiro, J.A. Ponte Far, Rubén Jarazo e Antonio Raúl de Toro Santos.