Anisia Miranda, xunto con Xosé Neira Vilas, participou activamente nos actos do 75 aniversario do Monumento ao Camiñante Descoñecido, celebrados no pasado mes de xullo en Barallobre. Dábase a circunstancia de ser Neira Vilas o único escritor vivo con banco adicado no citado monumento. Neira e Anisia asistiron aos actos e logo compartiron o xantar da III Xuntanza dos Barallobre, coas persoas con este apelido chegadas dende distintas partes de Galicia e da Península.