O domingo 25, a concentración repetirase ao mediodía na praza de Galicia, detrás do concello de Narón e preparan un peche para o martes 27 nos centros, ao termo da xornada escolar.
O Concello de Narón e os sindicatos CCOO, UXT, CIG e USTG mobilizaranse xunto ás ANPAS das tres garderías municipais da Gándara, A Solaina e Piñeiros en resposta a negativa da Xunta a asumir a xestión das escolas infantís, que previsiblemente terán que pechar o curso próximo por falta de fondos.
O goberno naronés solicitou unha reunión urxente coa conselleira de Traballo, Beatriz Mato, para "tratar persoalmente este tema". Desde o consistorio subliñaron que xa pediran formalmente unha reunión o pasado 2 de febreiro "sen obter, polo momento, resposta algunha".