ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Axentes de Gardacostas da Consellería do Mar, realizaron un operativo de madrugada na ría de Ferrol que se saldou coa identificación de 3 persoas, co comiso de 77 quilos de ameixa babosa e coa incautación de varios útiles. O operativo desenvolveuse nas zonas de O Couto e Neda e a ameixa comisada, extraída de xeito ilegal, foi resembrada na zona.
Ademais os Gardacostas incautáronse de 18 útiles, entre eles, 3 raños, 5 pranchas de poriespán, 2 traxes de neopreno, 2 lanternas, 4 salabardos, 1 sacho e 1 cadea. Na intervención, os axentes levantaron actas de presunta infracción ás tres persoas identificadas.
A Consellería do Mar lembra á cidadanía que o marisco extraído e comercializado de xeito ilegal non conta con ningunha garantía comercial nin sanitaria. O seu consumo pode supór un risco para a saúde ao non ter pasado ningún tipo de control que o avale. Ante o risco que supón inxerir estes produtos cando non son extraídos de xeito legal, o departamento que dirixe Rosa Quintana pide ao consumidor que non compre produto que non conte con todas as garantías.