Nun comunicado, o PSOE de Fene asegura que cando o actual equipo de goberno chegou á alcaldía, en xuño de 2007, atopouse cos Plans de Obras e Servizos (POS) correspondentes aos anos 2006 e 2007 e o PIL 2005, “elaborados e non executados polo anterior goberno”. Nun primeiro momento, engaden os socialistas, conseguiuse desbloquear e executar o POS 2006, “obras que levaban xa dous anos no olvido do anterior goberno, en mans do BNG”.

Con respecto ao Plan de Obras e Servizos do 2007, dende o Partido Socialista afirman que o motivo da súa parálise débese a que “o Concello foi instado a correxir e modificar determinadas obras incluídas polo anterior goberno do BNG, e que non eran executables porque cando foron planificadas non se tivo en conta aspectos tan fundamentais como a disponibilidade de terreos para poder realizalas.” Tamén asegura que as modificacións necesarias nese Plan, así como a elaboración do POS 2008 e 2009 “son xa obras planificadas polo actual Concellería de Obras, dirixida polo socialista José Antonio López, e aprobadas polo goberno en coalición do PSOE e BNG, existente ata mediados do presente ano”.