As eleccións municipais celebranse no mes de maio do ano que ven e o goberno do PP está empeñado en aprobar a reforma da lei electoral canto antes para poder aplicala xa nesa cita. A oposición rexeita que os populares aproveiten a maioría absoluta da que gozan neste momento para cambiar as regras de xogo no seu beneficio. No medio desta polémica, que se reproducía no pleno municipal de Fene o pasado xoves, preguntamos ao alcalde fenés a súa opinión sobre a reforma da lei electoral. Unha reforma na que cree pero recoñece que pode parecer oportunista.

O primeiro rexedor fenés está convencido da transparencia da nova lei porque así, afirmou, as coalicións coñeceranse antes das eleccións e non despois. Con lei nova ou sin ela, Gumersindo Galego, primeiro respondeu á nosa pregunta sobre o pálpito que tiña de cara ás eleccións locais en Fene para o grupo popular, cun  “eu que sei” pero despois confesou  “teño boas vibracións”.