ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O BNG trasladou ao Parlamento Galego a súa preocupación polo estado das obras de modernización dos regadíos previstos na Terra Chá. A portavoz de Agricultura da formación nacionalista na rúa do Hórreo, Tereixa Paz, foi a encargada de transmitir esta necesidade á Xunta de Galicia e pediu que se axilice a sinatura dun convenio para poder iniciar canto antes a execución das obras destinadas a este fin.
Asemade, demandoulle ao organismo autonómico que “interveña para que a opinión dos regantes sexa determinante á hora de establecer os proxectos e, polo tanto, de fixar os prezos dos regadíos”.
A deputada preguntoulle este mediodía no Parlamento Galego ao secretario xeral da Consellaría de Medio Rural sobre os prazos de sinatura do Convenio Marco entre a Xunta, SEIASA e os regantes para a modernización dos regadíos da Terra Chá. Tereixa Paz lembroulle que nos orzamentos da Xunta “existe consignación orzamentaria para executar estas obras, e tamén nos de SEIASA grazas á presión do BNG nas Cortes de Madrid, polo que apremiou á Consellaría de Medio Rural a que “axilice as xestións para que as obras poidan comezar canto antes”.
Paz quixo salientar tamén que a anterior Consellaría do Medio Rural tiña chegado a un acordo coa SEIASA para facilitar que na comisión técnica para a elaboración dos proxectos, estudo de alternativas a adoptar e demais avaliacións técnicas e económicas, xunto co persoal da Consellaría e de SEIASA, participen tamén técnicos designados polas comunidades de regantes, toda vez que unha parte importante do investimento e do posterior mantemento das instalacións recae neles.
Por iso, a deputada do BNG demandoulle ao executivo galego que “asuma ese compromiso cos regantes, de tal xeito que o prezo sexa acordado con eles”.