Cada participante presentará antes un pequeno proxecto, logo tirarán as fotos no edificio e despois darase unidade ao proxecto para rematar cunha exposición e a publicación dun catálogo. As bases do concurso poden consultarse no Facebook de Lumen e o correo de contacto é lumensajes@gmail.com.

O colectivo LUMEN realizou antes diferentes experiencias relacionadas co mundo audiovisual, amosando interés polos edificios vellos. E o Adriano préstase.

O Cine Adriano comezou as súas proxeccións o vintecinco de decembro de 1947 coa proxección da película “El enemigo público número uno”. Promoveuno José Fernández con deseño do arquitecto García Lastra. Foi a primeira sala de Fene concebida exclusivamente para as proxeccións cinematográficas. Tiña capacidade para trescentas oitenta e nove persoas. O edificio mantense en pé pero precisaría dunha intervención para salvarse.