ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A obligatoriedade na sexualidade atópase implícita en todas as manifestacións sexuais. Todas estas obrigas están directamente relacionadas coas expectativas que homes e mulleres temos de antemán ante a nosa sexualidade. Existen unha serie de cánones que socialmente se estipulan como correctos, obviando en todo momento o desexo real das persoas.
O desexo, aquilo que realmente queremos, queda en moitas ocasións oculto tras obrigas sociais tales como ter que ter necesariamente orgasmos, responsabilidades de cubrir as necesidades do outro ou da outra ou a obrigatoriedade de manter prácticas coitais. Tamén se nos impón exacular e facelo dentro duns tempos, levar á nosa parella ou amante ao clímax ou manter por norma relacións heterosexuais. Todas aquelas concepcións sociais da correcta sexualidade.
Estas obrigas fannos preguntarnos en qué lugar queda entón o desexo de cada individuo. Cómo comezamos a vivir a sexualidade dende aquelo que realmente nos apetece.
A sexualidade baseada nos nosos desexos implica un compromiso comunicativo importante. Para impoñernos ante as obrigas, será preciso que comecemos a comunicar os nosos desexos. Amais a través da nosa erótica, afondando en todo o abano de posibilidades que a sexualidade nos ofrece na búsqueda do pracer. Malia todo a negociación non é sempre doada.
O desexo é un espazo de negociación, todo se pode negociar dentro da parella (e nos tríos), a primeira vez que coñecemos a alguén estamos fantásticos e fantásticas, e negociamos case sen darnos de conta. Co tempo os límites son mais ríxidos e as negociación son máis formais.
En negociar está a clave, de forma que a veces cederemos e outras veces nos cederán, calibrando estas contas dentro dun correcto equilibrio. Ante o desexo dunha parte, vale calquera cousa, excepto unha obriga.