ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
"O franquismo consideraba ao labrego unha persoa sen capacidade, individualista, egoísta, ignorante, incapaz para adoptar un papel activo", afirma o investigador do Proxecto Historia Agraria e Política do Mundo Rural Daniel Lanero. Ven de presentar un estudio sobre a situación do agro galego durante o franquismo. A obra, titulada Historia dun ermo asociativa. Labregos, sindicatos verticais e políticas agrarias en Galicia durante o franquism
Lanero estudou a "normalización" de comportamentos corruptos e clientelares e a "imposición" dun modelo produtivo "alleo", fenómenos que "aínda teñen pegada na actualidade". O libro publicao a editoral de Negreira tresCtres. Como outras investigacións realizadas no seo do grupo Historia Agraria da Universidade de Santiago, do que Lanero foi parte, a obra contribúe a botar abaixo os mitos sobre a Galicia rural do franquismo.
A orixe de Historia dun ermo asociativo sitúase na tese doutoral do autor, que tivo que ampliar a escala da súa investigación desde o nivel local ata o galego e estatal. Principiou polo concello de Ponte Caldelas. "Como outros fascismos, o franquismo tivo unha vontade refundadora da realidade. Fixo tábula rasa, quixo desbotar todo o anterior, e no ámbito das políticas agrarias especialmente. Pero como non foi quen de substituílas máis que por políticas, ó meu ver erráticas, tivo que retomar o que se fixera no pasado, e fíxoo con menos eficiencia", apuntou Lanero, como unha das primeiras conclusións da súa obra.