A poxa de rescate á que accedeu finalmente o ministro de Industria, José Manuel Soria, celébrase durante 48 horas en Zaragoza. As empresas grandes consumidoras de electricidade poderán optar a facerse con 50 bloques de 5 megavatios a un prezo de saída por bloque de 195.000 euros. Os prezos da poxa son válidos para todo o ano 2015. O Goberno accedeu finalmente a esta convocatoria extraordinaria malia non aforrar críticas a Alcoa, por considerar que non foi o suficientemente activa na poxa para obter a interrumpibilidade na Coruña ou Avilés como si o foi no caso da fábrica da Mariña luguesa. O presidente da Xunta, Alberto Núñez Feijóo, desbotou a pasada semana que esta concesión a Alcoa, convocando un novo proceso de adxudicación de megavatios, indique que se amañou a poxa para favorecer os intereses da industria e disolver a ameaza de peche das fábricas.