O globo ascende na noite do 16 de agosto, Día de San Roque dende na Praza García Hermanos de Betanzos- A Coruña.Agora síguenlle as romerías dos Caneiros, o 18 e o 25 de agosto.

A Asociación de comerciantes ACEBE CCA colabora co Concello de Betanzos na organización do concurso ás lanchas mellor engalanadas dos Caneiros 2011. O Goberno Local entregará tres premios ás embarcacións mellor decoradas que acudan ás romerías dos días 18 e 25. O primeiro premio será de 500 euros, o segundo de 300 e o terceiro de 200 euros. ACEBE CCA ocuparase das tarefas organizativas: mecánica do concurso e elección do xurado.

Os propietarios das lanchas que desexen participar no concurso deberán remitir as fotografías das embarcacións, debidamente identificadas con nome, apelidos e telefóno de contacto ao enderezo electrónico: periodico@comerciodebetanzos.com ou ben entregalas persoalmente nas oficias de ACEBE CCA, situadas na Praza Mestre José Dapena, número 1 baixo. O prazo de recepción remata o vindeiro 29 de agosto de 2011.