Neste listado cómpre prestar unha maior atención aos disfraces para os rapaces como o de gladiador da marca Rubie´s, incluído por risco estrangulamento; o traxe de Papá Noel Infantil da marca Reila, por queimaduras e asfixia; o disfraz de Brancaneves da marca Boys Toys ou de paiaso, da mesma firma (por risco de estrangulamento), e o disfraz modelo Clown Hoop Chica, por estrangulamento .

Tamén foron introducidos nesta rede de alerta a máscara Branca, o disfraz de coelliña da marca Mafisa e o traxe de pitiño de Creacións Llopis. O listado complétase co traxe de león de Profisa e unha serie de artigos (barbas, antifaces ou perrucas) que poden supoñer un serio perigo para os rapaces.

Coincidindo coa celebración da festa do Samaín, o Instituto Galego de Consumo lembra aos pais e nais cómo deben ser os disfraces destinados aos nenos pequenos. En primeiro lugar, deben ter coidado de que na zona da cabeza e do pescozo non haxa cordas axustables, cordóns funcionais nin decorativos, ao estar prohibida a súa presenza.

Asemade, as máscaras fabricadas cun material impermeable deben dispor dunha área de ventilación que se pode distribuir nun só orificio ou en varios separados. E non esquecer que tódolos productos deben estar perfectamente etiquetados coa seguinte información: nome ou denominación comercial do produto,identificación da empresa que o comercializa, país de procedencia, marcas e indicacións de uso, símbolo gráfico no que se indique a prohibición para menores de tres anos e marcado CE; unha información que debe estar, como mínimo, en castelán.