ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O paseo ferrolán da Mariña será escenario dende mañá ao 21 de agosto da festa gastronómica do Marisco. A gastronomía é outro dos reclamos das Festas de Verán Ferrol 2011. Así, dende o xoves 11 ata o domingo 21 desenvolveráse unha feira do marisco que terá como escenario o Paseo da Mariña, nas inmediacións de Curuxeiras. Instalaráse unha carpa de preto de 600 metros cadrados e con todas as comodidades
Un evento de once días de duración no que os ferroláns e as ferrolás e os visitantes na cidade departamental poderán dar conta do marisco da mellor calidade. Mexillón, percebe, langostinos, ameixas ou empanadas variadas serán algúns dos manxares que se poderán degustar a prezos populares.
Esta Festa Gastronómica do Marisco, a primeira destas características que celebra Ferrol, tomou como referencia a da vila de O Grove, en Pontevedra, e aspira a convertirse nun dos eventos estables do verán ferrolán.
Tamén no cartel das festas de Ferrol volve a zarzuela mañá xoves, día 11, coa representación da obra “La del Manojo de Rosas”. Ás 22:30 horas na praza de Armas, onde se instalarán uns 2.000 asentos.
Tratase dunha peza de Pablo Sorozábal estreada por primeira vez no Teatro Fuencarral de Madrid en 1934. A obra obtivo un grande éxito e co paso do tempo tense consolidado como unha das zarzuelas máis representadas. De feito, os críticos a consideran unha das pezas musicais máis importantes do século XX, xa que foi a primeira zarzuela da España moderna.